ZÜRI REPRESENT
ÜBER ZÜRI DEPT
ÜBER ÜS
Mir sind zwei Jungs us Züri, wo die Brand gründet hend, will eus s Agebot a schöne Züriwear scho länger nümm ganz überzeugt het. Vieles isch eus entweder z tür, z wenig alltagstauglich oder eifach nöd das gsi, wo mir üs gwünscht hend.
Mit eusere Brand wänd mir Kleider mache, wo mer nöd nur im Stadion cha träge, sondern au im Alltag. Pieces, Züri repräsentiere, aber trotzdem schlicht, hochwertig und tragbar sind.
EUSI VISION
Eus gahts nöd nume drum, Kleider z verkaufe. Mir wänd öppis ufbauе, wo vo Zürcher für Zürcher isch. Eusi Idee isch Kleider z mache, wo fairer, moderner und nöcher bi de Zürcher sind.
Mir wänd zäme öppis erschaffe, wo Spass macht, wo verbindet und wo mer mit Stolz cha träge, egal ob im Stadion, i de Stadt oder irgendwo im Alltag.
PRODUKTION & TRANSPARENZ
Eusi T Shirts und Hoodies werde sorgfältig usgwählt und mit eusere Logos in Dütschland bedruckt. Mir setzed bewusst uf hochwertigi Textile und langlebige Druck, damit d Pieces nöd nur guet usgsehnd, sondern sich au guet ahfühled und lang Freud mached.
Mir wänd bi de Priise ehrlich und transparent sii. Eusi Marge isch bewusst chli ghalte, will eus nöd de maximal Gwünn wichtig isch, sondern d Community und öppis Eigenes ufzbaue.
Au bim Thema Date und Adresse gönd mir sorgfältig um. Die Date werde nur für d Bestellung und de Versand verwendet und bliibed verschlosse.